كتب وكورسات هامة في مجال معالجة الصور

‫#‏للمهتمين‬ بمجال العمليات على الصور
‪#‎Image_processing‬

دا كورس على النت اسمو :
Image and video processing: From Mars to Hollywood with a stop at the hospital

الكورس دا راااائع .. انا اخدته السنة الي فاتت .. بادئ من الاول خالص .. يعني ايه صوره ويعني ايه بيكسل .. وبيشرح ازاي العمليات دي بتتم رياضيا على الصور ... وازاي لما بيعمل تحويلات جاوس وفوريير على الصورة بتبقا اوضح .... وازاي تكبر وتصغر وتعمل detect لحاجات معينه في الصورة

لينك الكورس

الكورس هيبدأ في يناير .. بس انا لقيت الفيديوهات بتاعته على النت .. واعتقد هيبقى زي السنة الي فاتت مش هيغيرو حاجه 

لينك الكورس على اليوتيوب 
الكورس دا هيفهمك العمليات بتتم ازاي رياضيا ... بس من ناحية البرمجه هو مش هيطبق كتير

----------------------------------------------------------------------------------
للي حابب يتعلم اازاي يبرمج الصور على ارض الواقع .. ففي كتب بتتعامل مع ال OpenCV
مع لغات زي البايثون والسي والسي شارب وسي بلس بلس

ملحوظه : الي مش عارف ايه هو ال OpenCV يخش على اللينك دا


دا كتاب رااائع جدا .. وبسيط لأنه بيستخدم البايثون ... بادئ من اول ازاي انك تفتح الصورة وتعرضها لحد انك تعمل detect لوش الانسان وعنيه وكل حاجه في وشه
لينك تحميل الكتاب

ودا الكتاب الاصلي الي بينزل مع ال OpenCV بلغة ال سي والس شارب وسي بلس بلس 

وطبعا في كل ما تتخيله

لينك الكتاب

لو قرأت كتاب من دول هتبقى قطعت شوط كبير جدا جدا جدا ... طبعا مش شرط انك تبقا عارف ازاي تبرمج OpenCV في لغتين او تلاته ...
انت لو عرفت المفهوم وعرفت ازاي بينفذ الكود هتلاقي ان كل اللغات بتمشي بنفس الترتيب بإختلاف بس ال syntax

مثال :
لو هعرض صورة ع شاشه
يبقى هعمل متغير وهحط فيه الصورة , وهعمل شاشه اعرض عليها , واربط المتغير في الشاشه , واعرض

هتلاقي نفس الترتيب في كل اللغات بإختلاف ال Syntax
-----------------------------------------------------------------------------------
لحد هناا انت تقدر تعمل اي مشروع يعجبك , اما لو عايز تبقا محترف اكتر ف الكتاب دا شامل كل البرامج عموما .. بس عايز انك تبقا فاهم وعندك شويه اساسيات
لينك الكتاب
------------------------------------------------------------------------------------

اخيرا : مجال ال Image processing مش منتشر اوي كشرح مقارنة بباقي المجالات
وهتلاقي ان الكتب بتكروت كتير وفي حاجات كتير مش بيشرحوها .. نصيحة : متوقفش وكمل حتى لو مش فاهم , والسطر الي انت مش فاهمو اكتبو على جوجل هتلاقي مواقع كتير جدا بتشرحه , ولو مش عاجبك البرنامج , اكتب اسمه على النت وهتلاقي 500 برنامج زيو واحسن منه وسهل انك تفهمو

الكورس هيفهمك علميا الموضوع ماشي ازاي , والكتب هتديك شويه اكواد , وانت عليك انك تدور وتفهم

ملحوظه اخيرة : لما تدور في جوجل متفتحش كل المواقع الي بتقابلك لأن في مواقع بتبقا اي كلام .. اشهر مواقع :
دا بالذات اشهر موقع برمجه في العالم وفيه كل اللغات وكل المشاريع الي ممكن تتخيلها
http://stackoverflow.com/
دا هتلاقي فيه مشاريع تفيدك في مجالات الروبوتيكس وهتلاقي فيه مشاريع كامله بالشرح بتاعها
http://www.instructables.com/howto/image+processing/
دا الموقع الرسمي
http://opencv.org/