UV Counterfeit Money detector - سنسور الكشف عن العملات الزائفة بإستخدام الاشعة الفوق البنفسجية

ماكينات ال ATM او ماكينات الصراف الالي بنلاقيها في كل مكان , سواء خاصة بالبنوك او خاصة بشراء بعض المنتجات زي بيبسي وشيبسي وقهوة وكدا . النهارده هنتكلم عن ازاي الماكينات دي بتتعرف على الفلوس وبتفرق بينها , وازاي بتعرف هي مزورة ولا حقيقية .

في كذا طريقة لإكتشاف العملات زي استخدام الكاميرات , استخدام الابعاد , استخدام العلامات السرية , استخدام العلامات المائية بالاشعة الفوق البفنسجية ودا الي هنتكلم عنه النهارده .

------------------------------------------------------------------------------------------------

طريقة العمل :

لو ركزنا في أي عملة ورقية هنلاقي انها موجود عليها خط فضي كدا في احد الاطرف , ودي Standard في اي عملة . الفايدة منها هي الكشف المبدئي عن اذا كانت العملة دي مزيفة ولا لأ وكمان تحديد قيمتها , دا عن طريق تسليط أشعة فوق البنفسجية لأن اذا تم تسليط الاشعة دي عليها هيتغير لون الخط الفضي للون تاني , وكل فئة ورقيه بتدي ضوء منعكس مختلف عن الفئة التانية .

مثلا الدولار : فئة الخمسين , لو سلطت عليها أشعة فوق البنفسجية الخط الفضي هيدي لون أصفر

 العشرين دولار هيدي أخضر والعشرة هتدي برتقالي , والخمسة هتدي لون مقارب للازرق المخضر .

ودا ينطبق على كل العملات العالمية , تقدر تجربها على عملة بلدك وتعرف الالوان الي هتنعكس ايه ومنها تقدر تعمل جهاز الكشف الخاص بيك

----------------------------------------------------------------------------------------------

اصنع السنسور الخاص بك ب 20 جنيه فقط :

المكونات الي هتحتاجها : مقاومة 330 أوم - بطارية 9 فولت - connector - ليد Ultra vilot ليها wavelength 395 nm - لزق

الليد بتتباع في محل رام وفيوتشر ب 8 جنيه :
http://ram-e-shop.com/oscmax/catalog/product_info.php?products_id=2220

كل الي هتعمله انك هتوصل الليد زي أي ليد عادية بالتوصيله دي :

وابدأ اعزل كل جزء لوحده باللزق بالشكل دا :

وبكذا بقا عندك سنسور بسيط للكشف عن العملات الورقية المزيفة وتقدر تستخدمه في اي مشروع بيحتاج لإدخال او اخراج عملات ورقية زي ماكينات البيبسي والقهوة والمشروبات والمأكولات السريعة وغيرها . كل الي عليك انك تستخدم سنسور تاني او طريقة لمعرفة الالوان المنبعثة دي وتميزها عن بعض , ودا بإذن الله الي هنتكلم عنه في المقالات الي بعد كدا .

المقال كان بيتكلم عن عملة الدولار , تقدر حضرتك تجربها على عملة بلدك وتقولنا الالوان الي ظهرت ليك :)

المراجع :
http://blog.fraudfighter.com/bid/77557/How-does-UV-Counterfeit-Money-Detection-Work


--------------------------------------------------------------------------------------------------------
يمكنك رؤية أيضا :
- سنسور اكتشاف الغازات : http://breakinpointteam.blogspot.com/2015/10/gas-sensor.html
- سنسور قياس وتسجيل الصوت : http://breakinpointteam.blogspot.com/2015/10/sound-sensor.html
- سنسور قياس شدة الغبار والاتربة في الجو : http://breakinpointteam.blogspot.com/2015/10/dust-sensor.html
- سنسور الاستشعار بشدة الضوء : http://breakinpointteam.blogspot.com/2015/10/luminance-sensor.html
- سنسور قياس الرطوبة : http://breakinpointteam.blogspot.com/2015/10/moisture-sensor.html
- عداد جيجر سنسور لقياس الاشعاعات النووية : http://breakinpointteam.blogspot.com/2015/10/geiger-counter.html